الحلقه التانيه..من انا والبطيخ وهواك
سيداتى سادتى..كله يظبط موجه راديو"الاف اتش"
20006600
حيث المرح والهرج والتهييس وقناتنا اول قناه تنمى التفاهه عند الشباب وتفخر بانها
لا تقتصر فقط على الردايو بل وايضا التليفزيون عشان نطبق مثل
"اللى مايشترى يتفرج"
وايضا قناتنا تقدم باقه مختاره وغير مختاره من الاغانى بهدف "على كل لون يا بتسطا"
والان نترككم مع برنامج انا والبطيخ وهواك مع اثامه منير
تحذير هام:
على مرضى القلب والضغط والسكر مراجعه الطبيب قبل استماع محطتنا
انا مش مسئوله
المذيع(عفانا الله وعفاكم):احبائى الحبيبه اللى بيحبو الحب
عشان خاطر الحب (مش عشان حاجه تانيه.......)
موضوعنا النهارده عن "الحياء فى الحب"
كل اللى هيتصلو بينا البنين منهم والبنات(اقل من 18 سنه)
انهم يخلو التليفون تحت البطانيه ويطمنوا ان البيت كله نايم
(عشان يعرفو يفضفضو كويس ويقولو اللى فى نفسياتهم)
واعرف اعملهم انلايزيشن كويس يعجبهم
ونستقبل اول اتصال .........
_الوووووو
_الو ازيك يا اثامه انا بحبك اوى اوى اوى بجد بحبك موت موت موت ونفسى اكلمك من زمان
_ فعلا ..فعلا انا اتحب حقيقىبس احنا النهارده موضوعنا عن الحياء فى الحب
انتى متجوزه؟
_لا...
_مخطوبه؟
-تؤتؤ
_مرتبطه عاطفيا؟
_اه
_طب ياترى قولتيلو بحبك؟
_(فى اندهاش واندفاع شديد) طبعا كتييييييييير بس هو مقاليش خاااالص
_ اه ممكن بيكون بيتكسف او فى شباب مبيصرحش بحبه لانه بيلعب بعواطف البنت
بس انا بشجعك على الاستمرار فى العلاقه
_اثامه انا حاثه انى بحب واحد تانى بس الاولانى مالى عليا حياتى
_انا رائيى انك تسيبى الاولانى والتانى وتحبى من جديد
ودلوقتى نسمع اغنيه "اللى اختاشوا ماتووو"