ترضيها لوالدِك؟ لأخوكِ؟ طيب ترضيها لزوجِك؟؟؟

اولا وقبل كل شئ انا أحبكم فى الله
واتمنى ان يكون كلامى خارج من قلبي لقبِك
كلامى لأخواتى اللّاتى لم يكتمل حجابهم والغير محجبات
اقصد الحجاب الشرعي طبعا

والله لا يخفى عليكم خسة الموضات الحالية فى ملابس البنات والسيدات
حتى انى الاقي سيدة كبيرة فى السن ولابسة بنطلون وحاطة ميك اب
والوان مبهرجة فى لبسها
وطبعا البنات الصغيرة فى سن الجامعة واصغر واكبر
والله كدا كتير جدا
عايزة اقوللها
انت متعرفيش انك سبب غير مباشر فى المصايب اللى بنسمع عنها ؟
انت عارفة انك سبب رئيسي فى اطلاق الشباب لأبصارهم ؟
ومنعتيهم من القدرة على غض البصر من الهوجة والبهرجة اللى عاملاها فى نفسِك

طيب والدك او اخوكى او زوجك ازاى سمح لك تخرجى من بيتك كدا؟
هو مش خايف من عقاب ربنا له بسبب تقصيره فى حقك؟
مش هو مسئول عنك امام الله
كلكم راع وكلكم مسئول عن رعيته

طيب لو هو ميعرفش او مش فى دماغه انه كدا غلطان،
انت مش خايفة عليه "فضلا عن خوفك على نفسِك" من عقاب ربنا
انت عارفة ان اللى مش بيغير على محارمه الرسول قال عليه
ديوث
طيب عارفه ايه جزاؤه ؟
اقرئي حديث رسول الله صلى الله عليه وسلم
"ثلاثة لا ينظر الله عز وجل إليهم يوم القيامة : العاق لوالديه ، والمرأة المترجلة، والديوث.."
رواه احمد والنسائي

ترضيها لوالدك او اخوكى او زوجك
انا عارفة انك هتقولى لأ طبعا لا ارضى لنفسي ولا أرضى لأهلى

وعارفة ان جواكى خير سيكون لكِ رادع عن كل خطأ
وصحيح انه الحجاب مش كل شئ والكلمة دى بنسمعها من الكتير واهم حاجة القلب
بس يا حبيبتى صدقينى لو القلب فعلا بيحب ربنا هيعمل بأوامره ويقول سمعنا وأطعنا
مش يطبق حاجات ويسيب حاجات
"قل إن كنتم تحبون الله فاتبعونى يحببكم الله ويغفر لكم ذنوبكم"

والحجاب أمر ليس فيه كلام
لكن المفهوم المغلوط للحجاب انه غطاء الرأس
لا والله
الحجاب يعنى تحتجبي عن أعين الرجال وتلبسي الحجاب الشرعي بصفاته المعروفه
لا تكسيم ولا ضيق ولا ملفت لأنظار الرجال
خلى بالك من الخدعة اللى عملوها لك الغرب علشان تقلديها وفى كتير انقاد وراءها
هما فاهمين هما بيعملوا ايه
القبة الكبيرة اللى فوق راس كتير من البنات
الطرح اللى بيلفوها بحيث تكون زى سنام الجمل فوق راسهم
بشكل والله غريب ومقزز
مش رسولنا الكريم صلى الله عليه وسلم قال صنفنان من اهل النار لم أرهما
وذكر منهم .. ونساء كاسيات عاريات رؤوسهن كأسنمة البخت المائلة
وما ينطق عن الهوى صلى الله عليه وسلم

ليه لسة قلوبنا متعلقة بالدنيا
ليه قلبك لسة متعلق بموضة ولبس
ليه مش بتسيبي محلات الملابس وهمك تروحى تشترى كل جديد

انت ممكن تكونى محجبة الحجاب الشرعي لكن ليكِ صديقة لبسها ملفت
ليه متنصحيهاش وتوجهيها
مش دى حق الصداقة؟

اللهم اهدِ كل بنات ونساء المسلمين للحجاب الشرعي الذى يرضيك عنهم
جزاكم الله خيرا

مرسية تو بيك روووووووووونوش